Напярэдадні Дня народнага адзінства навучэнцы Лобчанскай базавай школы прынялі ўдзел у падарожжы "Сіла народнага адзінства". З мэтай яднання пляцоўка ў двары школы была арганізавана ў гульнявое поле. Каманды "Моцныя" і "Адзіныя" змагаліся за перамогу праз крокі-выпрабаванні: "Патрыёт", "Літаратура", "Словы", "Карагод" і інш., выяўляючы веданне гісторыі, кемлівасць і знаходлівасць. У завяршэнні падарожжа навучэнцы на памяць зрабілі фота "Мы разам адзіныя"!

У пачатковых класах прайшло мерапрыемства "Усё пра беларусаў". Мерапрыемства садзейнічала выхаванню любові і павагі да сваёй Радзімы, пазнавальнай цікавасці да гісторыі сваёй краіны. Хлопцы з задавальненнем адказвалі на пытанні, складалі пазлы, разгадвалі крыжаванкі. У кожным напрамку быў свой пераможца, але ў канцы мерапрыемства прыйшлі да высновы, што перамагло адзінства.